壽司方面不得不提呢件龍蝦膏甜蝦壽司。係唔係真龍蝦膏就無從得知，但d蝦膏的確甘香不帶腥味，配上口感粘粘、味道清甜既甜蝦，蝦膏味道更為特出，非常撘配。另外，香氣撲鼻既黑松露配口感紮實既油甘魚亦不錯，從此柚子芥末唔再係配油甘魚的唯一選擇。
串物特別推介牛舌及燒菠蘿。爽口既牛舌油香味美；菠蘿鮮甜多汁。兩者都燒得恰到好處，賣相甚為吸引，師傅好功力！
除左海鮮凍盤，另一驚喜係放題竟然有雞煲！雞件没有雪味，雞煲內放入不少香料及配菜，惹味醒胃。如果唔怕肥，識食既一定係食雞煲內索哂美味醬汁既豆卜。
甜品方面季節限定既係哈根大師既接骨木花黑加倫子雪糕。我就揀左milk top 既手製鹽味雪糕。牛奶味道超香濃，口感亦相當幼滑，喜歡牛奶的應該會十分喜歡。
