豐盛閣

Open Now

Now Closed

我同老公都好鍾意食海鮮🦞，所以上星期六一齊去試吓「挪亞方舟度假酒店」嘅豐盛閣餐廳「芝味菇饌.海鮮自助晚餐」! 一路沿住沙灘行去餐廳，望著青馬大橋同海景，環境幾relax，好似去咗渡假咁。 餐廳內好多枱都可以望到海景，海鮮🦞有：波士頓龍蝦🦞、加拿大鱈蟹腳、紐西蘭青口和翡翠螺及麵包蟹。其中較鍾意有「鮑魚芝士伊麵」&「波士頓龍蝦🦞」，前者係原隻鮑魚配芝士碎撈伊麵，伊麵混埋芝士食，口感creamy，鮑魚帶燒汁味，好好味😋！ 波士頓龍蝦🦞更係必試，大大隻，好新鮮，我果隻仲剛好有好多蝦籽，好正！ 熱盤款式唔算多，其中有幾款係時令茹菌做主題，都幾清新特別！ 甜品枱上嘅「蘑菇造型芝士凍餅」好可愛，呢度嘅甜點幾唔錯，仲有豆腐花添！