龍鳳冰室 (惠安苑) (Moved) New Location

年初一晚餐一定要同屋企人食返餐好嘅。不過一出門發覺…大家樂坐滿晒人，好多茶餐廳都冇開。喺太古果頭行下行下就見到呢間龍鳳冰室仲開緊，就毫不猶豫入呢間。好耐之前自己食過龍鳳，覺得都抵食嘅。今次同屋企人食，環境都幾有舊式茶餐廳嘅風味，牆上仲有好多明星合照，啫係佢哋都嚟過呢間食嘢。我就叫咗挪威煙三文魚配招牌炒蛋飯，熱華田。呢個飯我好似次次食龍鳳都係叫呢個…唔知點解…就係覺得佢好好食，三文魚都好正，同酒店自助餐啲煙三文魚唔同嘅係，佢冇咁咸，比較啱我。我媽係叫挪威煙三文魚配招牌炒蛋意粉，熱奶茶。我媽都話我冇介紹錯，呢個餐真係唔錯。我老豆就叫爆辣炭燒肉鬆雞扒配招牌炒蛋意粉，凍奶茶。佢個雞扒都幾嫩口下嘅，而且都真係幾辣下。