Video
Read full review
2023-08-01
29 views
食得西餐多，都會掛住有鑊氣嘅中菜！前幾日去咗將軍澳一間比較新派嘅中菜館食飯，菜式都幾有驚喜，氣氛好好，幾啱同屋企人/朋友一班人嚟食飯～一坐低店員就放低咗碟小食、水壺同茶壺，水壺係好傳統嗰種，而家已經好少見～ 小食係豬皮，酸酸辣辣幾開胃！🥢招牌焗魚腸 $108必叫！而家好少地方有得食！好細個食過之前久違再食～ 原個砵仔上，好新鮮熱辣👍🏻 魚腸加雞蛋呢個配搭好好食，推薦鍾意食內臟同懷舊菜嘅朋友仔試吓～🥢腿茸菜膽雞(半隻) $148半隻雞擺到好整齊😂 雞肉幾嫩滑，加埋個芡汁食更加滑～ 配埋腿茸食更鮮味！🥢奇脆脆皮豬手 $198上枱已經切好晒，好方便食！豬手個皮好脆，有啲似食燒肉嘅皮～肉質有啲實唔算好juicy，但都可以接受，啖啖肉有咬口！🥢金沙鬼馬百花釀油條 $98一份有6件，面頭有好多鹹蛋黃，好邪惡🤤 好好食！蝦膠釀咗喺油炸鬼上面，又彈牙又脆口，yummy😋 不過食多過2件就會覺得有啲漏啦，多人share更滋味！🥢豉椒炒烏賊裙邊 $128好有鑊氣，豉椒炒好香，烏賊裙邊好爽口，同平時食嘅烏賊口感唔同！幾特別！🥢雲耳炒勝瓜 $98食咗咁多比較種口味嘅食物，當然要食吓蔬菜啦😂 雲耳同勝瓜都好爽口
食得西餐多，都會掛住有鑊氣嘅中菜！前幾日去咗將軍澳一間比較新派嘅中菜館食飯，菜式都幾有驚喜，氣氛好好，幾啱同屋企人/朋友一班人嚟食飯～
一坐低店員就放低咗碟小食、水壺同茶壺，水壺係好傳統嗰種，而家已經好少見～ 小食係豬皮，酸酸辣辣幾開胃！
🥢招牌焗魚腸 $108必叫！而家好少地方有得食！好細個食過之前久違再食～ 原個砵仔上，好新鮮熱辣👍🏻 魚腸加雞蛋呢個配搭好好食，推薦鍾意食內臟同懷舊菜嘅朋友仔試吓～
🥢腿茸菜膽雞(半隻) $148半隻雞擺到好整齊😂 雞肉幾嫩滑，加埋個芡汁食更加滑～ 配埋腿茸食更鮮味！
🥢奇脆脆皮豬手 $198上枱已經切好晒，好方便食！豬手個皮好脆，有啲似食燒肉嘅皮～肉質有啲實唔算好juicy，但都可以接受，啖啖肉有咬口！
🥢金沙鬼馬百花釀油條 $98一份有6件，面頭有好多鹹蛋黃，好邪惡🤤 好好食！蝦膠釀咗喺油炸鬼上面，又彈牙又脆口，yummy😋 不過食多過2件就會覺得有啲漏啦，多人share更滋味！
🥢豉椒炒烏賊裙邊 $128好有鑊氣，豉椒炒好香，烏賊裙邊好爽口，同平時食嘅烏賊口感唔同！幾特別！
🥢雲耳炒勝瓜 $98食咗咁多比較種口味嘅食物，當然要食吓蔬菜啦😂 雲耳同勝瓜都好爽口清甜，配菜羊蔥同彩椒都好食！個汁幾好味～～
呢間中菜館有新派菜食，又有懷舊菜食，裝修有香港特色，幾推薦大家試試～
Post
