Odelice! (蘭杜街)

Item: Odelice! (蘭杜街)
Rating: 1
Author: Rude_waiter

4.5

1147 Reviews

Taste

Decor

Service

Hygiene

Value

54668

Wan Chai

$201-400

French Western

Copied to Clipboard

950

Terms & Details:
Restaurant:	Odelice! (蘭杜街)
Offer:	Cathay members can earn up to HKD4 = 2 miles with the Asia Miles by Cathay app. T&C apply.
Join the Cathay membership programme and start earning miles today!
Cathay members must present a membership QR code in the Asia Miles by Cathay app to earn Asia Miles. Asia Miles can be earned on eligible transactions of up to HKD10,000. Cathay members can earn HKD 4 = 1 mile when dining at Cathay partner restaurants. Standard Chartered Cathay Mastercard® holders can earn an additional HKD 4 = 1 dining rewards when they pay with their card, for a total of HKD 4 = 2 miles. Asia Miles earned are based on the total amount spent including service charges, taxes and tips. Asia Miles may not be earned on certain promotional menus. Please check with individual partner restaurants prior to dining. Asia Miles will be credited to members’ accounts 10 working days after each eligible dining transaction.

Other Cathay Terms & Conditions apply.

Rude_waiter

Level2

之前係openrice見到呢間餐廳有好多正評同埋靚相,所以就決定黎幫襯,但自從幫襯完一次之後,就知道自己中咗伏,決定永不再光顧!本人奉勸大家千期唔好再相信Openrice上的幾百個正評,試想想,香港人出哂名忙,有乜可能會有成幾百個人咁得閒係openrice到打正評呢? 仲要每個正評全部都有十幾二十張相,d相仲要全部都影得好靚, 繁忙的香港人邊會有咁多人咁好心機、咁好心打咁多正評呢(如果沒有利益關係的話)? 同埋呢間餐廳絕對未至於好食到有幾百個正評囉! 個門口都算整得幾靚、幾新,但一入到去就覺得成間餐廳好細,本來諗住坐梳化位(絨梳化)可以坐得舒服D,點知當我準備坐低時,發現梳化上有一條彎彎的長髮而且旁邊仲有黑色的污漬,真係好污糟於是我要求調位,點知調咗位後,仲衰! 竟然有兩條彎彎的長髮係張梳化到,附近也有黑色的污漬,想嘔!侍應見狀卻毫無反應,於是我叫侍應幫我清走果兩條頭髮去,於是侍應就拎一碌清潔棒係梳化到碌幾下, 碌走d頭髮。老實講,我真係未見過咁污糟的西餐廳,仲話係「法國」餐廳喎我地睇緊餐牌時,個侍應都唔識得主動俾杯水我地飲, 要我出聲嗌口渴先識做問佢拎兩張紙巾俾我,問完唔夠一分鐘

Read full review

之前係openrice見到呢間餐廳有好多正評同埋靚相,所以就決定黎幫襯,但自從幫襯完一次之後,就知道自己中咗伏,決定永不再光顧!

本人奉勸大家千期唔好再相信Openrice上的幾百個正評,試想想,香港人出哂名忙,有乜可能會有成幾百個人咁得閒係openrice到打正評呢? 仲要每個正評全部都有十幾二十張相,d相仲要全部都影得好靚, 繁忙的香港人邊會有咁多人咁好心機、咁好心打咁多正評呢(如果沒有利益關係的話)? 同埋呢間餐廳絕對未至於好食到有幾百個正評囉!

個門口都算整得幾靚、幾新,但一入到去就覺得成間餐廳好細,本來諗住坐梳化位(絨梳化)可以坐得舒服D,點知當我準備坐低時,發現梳化上有一條彎彎的長髮

而且旁邊仲有黑色的污漬,真係好污糟

於是我要求調位,點知調咗位後,仲衰! 竟然有兩條彎彎的長髮係張梳化到,附近也有黑色的污漬,想嘔!

侍應見狀卻毫無反應,於是我叫侍應幫我清走果兩條頭髮去,於是侍應就拎一碌清潔棒係梳化到碌幾下, 碌走d頭髮。老實講,我真係未見過咁污糟的西餐廳,仲話係「法國」餐廳喎

我地睇緊餐牌時,個侍應都唔識得主動俾杯水我地飲, 要我出聲嗌口渴先識做

問佢拎兩張紙巾俾我,問完唔夠一分鐘又咁快唔記得咗回事

之後我要再問多次(大前提係當時唔係繁忙時段,間餐廳仲有唔少空枱,侍應亦唔係忙)......

我地本想點一份「香焗小牛肉扒」,侍應知道後,卻強烈推介我地點「鵝肝配Rossini牛排」,因為返咗貨,咁ok,我地就叫啦~我地亦點了一碟「蒜香白酒蜆肉意粉」。我地等咗成25分鐘先黎得一碟意粉,當時我地已經好肚餓,餓到連意粉相都唔記得影。意粉係熱既,但d蜆有沙

咁都算,但碟意粉竟然係辣既! 初初以為係黑胡椒既辣,咁算啦,照食,但食食下,竟然愈食愈辣! 真係唔似係胡椒既果種微辣囉!

於是我問侍應:「點解碟意粉係辣既?個餐牌冇寫'辣'喎」侍應答我:「因為呢碟意粉係放咗少少辣既x粉」我話:「但我地係唔食得辣架喎,餐牌又冇寫呢碟野係辣,而且今朝我係Openrice網上訂座時,已經係"食物敏感"果到註明咗"不吃辣",但點解我地點呢碟意粉時,你地冇提醒我地呢碟野其實係辣的?」我等個侍應答我問題,但佢又唔出聲,然後一陣dead air

跟住佢問我:「er...咁你想點樣呢?」果下我真係好無奈....

我問返佢:「咁宜家你地會點樣處理呢?」於是個侍應叫我等一陣,佢去問其他同事先,過咗一陣,有個高級少少的職員(似係經理)走黎問我有咩事,我問佢:「點解你地呢碟蜆肉意粉係辣既?」佢答:「因為我地係意粉到落咗少少xx粉,所以會有d辣」答既野又係同頭先個侍應既一樣...於是我再次同佢講返佢餐牌沒有寫呢碟意粉係辣,openrice訂枱時我亦有講明「唔食辣」,但經理一句sorry都冇,還說:「你應該一開始食到有辣就出聲,你宜家都食到一半啦」,我答:「我地一開始食唔覺太辣,以為係d黑胡椒辣,點知愈食愈辣!」經理再次重覆佢頭先果句,於是我真係忟,同佢講:「我就真係未見過有"大蒜白酒蜆肉意粉"係辣囉!就算係辣,個餐牌正常都會標明掛!但你地個餐牌就係冇標明囉!唔係人人都食得辣架!你地呢碟意粉仲要唔係微辣,而係好鬼辣呀!!」佢見我咁,唯有取消碟意粉既價錢...

至於另一碟餸,「鵝肝配Rossini牛排」就等咗成45分鐘先黎,呢碟野收我地$318,但得3塊細細的牛肉,同埋一塊好似手指咁細既鵝肝,配菜只係豆角,唔係蘆筍!連呢D都要慳

重點黎啦:牛肉一D都唔熱,好似室溫咁,我地叫5成熟,但塊扒一黎到,有一半似係2-3成熟,另外一半就似7成

幾啖就食完...我真係未食過D咁唔掂既牛扒

唯一值得讚既就係杯「檸檬薄荷茶」,幾好飲...一間「法國」餐廳,竟然野飲仲好過食物XD 原本我地諗住叫個甜品,但後來我地覺得Main course唔掂,甜品應該都唔方好得去邊,所以最後都冇叫.......我地其實都仲未食飽,還是決定埋咗單後,再去附近的餐廳到食...

另外,佢地的梳化污糟都算,但仲要有跳蚤! 我坐坐下,feel到有跳蚤係我對腳同大脾到'嬲'下 '嬲'下, 好痕呀!

餐廳的廁所又得一個,仲要超細,自問係一個瘦人,但都一定要側身同埋好小心、好緩慢咁先勉強入到去, 肥人就更加唔駛講或用呢個廁所啦

總括而言,這是一間金玉其外,敗絮其中的「法國」餐廳

試過一次便夠,永不再光顧!