不過值得一提係：佢哋點菜係用marker寫落張過咗膠嘅食品選單上，用完擦咗去就得，真係夠晒環保，有諗頭，值得一讚！👍🏻
餐廳裝修有啲特別，環境舒服。
二段定食上蒸下煮，有主食+小食+餐飲，我點咗個甘甜黑咖哩湯麵配粟米雞定食 $68，雞肉好嫩滑，黑咖哩味道有啲似豉汁味，不過都幾好味，麵身有點林，我則比較喜歡爽口嗰隻！
阿囡就點咗個豚肉壽喜燒配冲繩蒸餃子 $68，豚肉好林，餃子好夠味。
1
小食就點咗：
南瓜芝士脆皮餅，芝士味濃，配上南瓜蓉，外脆內軟，一口咬落去，芝士會流晒出嚟，味道不錯！
不過都唔夠黑糖蜜蕃薯條好味，表面脆甜，蕃薯味超濃，簡直食唔停口，超正！😋😋
餐飲就點咗凍檸水和凍檸茶，原來兩款凍飲配黑糖糖漿都好好味㗎！
而且呢間餐廳只有黑糖糖粉，係冇白沙糖㗎！
最後阿囡叫咗個海鹽焦糖雪糕冬甩 $32，雪糕凍、冬甩熱，真係有冰火嘅感覺，勁好味！
