Video
Read full review
2018-06-23
225 views
最近晚晚世界盃加上星期五，唔係返屋企睇啊！梗係約埋班friend飲住啤酒一齊叫啦！最衰天氣咁熱，我平時最鍾意坐半露天嘅食店，貪佢好feel，返屋企條路成日見到有間串燒居酒屋，一於繼續世界盃幫襯下。坐低肚餓，首先叫個晚餐食飽先慢慢嘆，價錢好抵幾十蚊一個套餐。仲好認真咁送咗個餐前小食俾我哋。咁當然啤酒係唔少得㗎啦！新力青啤都係 $20幾蚊抵飲。即叫即製，小店製作需時，我鍾意食雞扒意粉，朋友就要蒲燒鰻魚飯，用鐵板上夠誠意，雞扒皮脆肉嫩，配菜有紫椰菜，大大條蒲燒鰻魚夠份量。食飽咗之後一邊睇波然後就order一啲必食推介。毫無疑問燒雞翼大家自細都鍾意食，＄20一串已經有兩隻，我哋一個就鍾意食蜜糖雞翼，食落甜甜地。另一個就鍾意食鹽燒燒雞翼，各取所需。而鋪頭嘅海鮮都好新鮮喔！都係果句想啲嘢食燒得靚就要俾啲耐性，我見隔離枱催單，而我自己就唔趕時間可以慢慢坐，所以就挑戰左芝士燒廣島蠔 $25 大大隻，creamy 而且入口有爆汁嘅感覺。另外香蔥燒半殼扇貝 $39 已經有兩隻，大埔小店真係價廉物美啊！肥大肉厚，食得出鮮甜無比。蒜香芝士燒虎蝦 $48 兩隻，大隻之餘食得出肉質夠爽有彈力，芝士入口夠濃郁，加埋
坐低肚餓，首先叫個晚餐食飽先慢慢嘆，價錢好抵幾十蚊一個套餐。仲好認真咁送咗個餐前小食俾我哋。
咁當然啤酒係唔少得㗎啦！新力青啤都係 $20幾蚊抵飲。
即叫即製，小店製作需時，我鍾意食雞扒意粉，朋友就要蒲燒鰻魚飯，用鐵板上夠誠意，雞扒皮脆肉嫩，配菜有紫椰菜，大大條蒲燒鰻魚夠份量。
食飽咗之後一邊睇波然後就order一啲必食推介。毫無疑問燒雞翼大家自細都鍾意食，＄20一串已經有兩隻，我哋一個就鍾意食蜜糖雞翼，食落甜甜地。另一個就鍾意食鹽燒燒雞翼，各取所需。
而鋪頭嘅海鮮都好新鮮喔！都係果句想啲嘢食燒得靚就要俾啲耐性，我見隔離枱催單，而我自己就唔趕時間可以慢慢坐，所以就挑戰左芝士燒廣島蠔 $25 大大隻，creamy 而且入口有爆汁嘅感覺。
另外香蔥燒半殼扇貝 $39 已經有兩隻，大埔小店真係價廉物美啊！肥大肉厚，食得出鮮甜無比。
蒜香芝士燒虎蝦 $48 兩隻，大隻之餘食得出肉質夠爽有彈力，芝士入口夠濃郁，加埋蒜香口味，跟住飲多兩啖冰凍啤酒真係 perfect 。
食到最後嘅煙肉蘆筍卷，帶來一點清新嘅口味，我哋由頭食到尾，啤酒一浪接一浪，加埋世界盃球賽，精彩的一個晚上。
Post
