我地就book左夜晚6點開始食，食兩個鐘。因為時間都仲算比較早，去到果時其實唔係好多人，但一到左七點，人就開始多。店入面燈光暗暗地，幾舒服。
食物方面都幾多選擇下，兩個人每樣食一件其實都應該食唔晒。最得易既係佢其中一張種類係「泰國風情」，睇落同九唔搭八，但係野食既質素非常好。
講返刺身壽司，刺身新鮮好味，少見八爪魚切到咁厚，大大件一口咬落去係幾邪惡既。壽司款式都唔少，壽司飯細細舊，岩哂放題既宗旨，而其中黑松露系列最標青，黑松露味好香。
而絕對唔可以唔食既呢，就係牛柳粒，燒到岩岩好，外面燒到脆，而肉汁仲鎖住係入面，一咬落去d肉汁爆出黎，享受。仲有鹽燒海蝦，肉質爽，值得食
如果鍾意食川椒皮蛋既都可以試下，肥仔話好食。另外花雕醉雞翼係自家制，幾好食，好香酒味。
