大滿屋日本料理 (Closed)

今晚同朋友又出動，係openrice見呢間日式放題餐廳，見評價吾錯就過去睇下…係睇門口poster上嘅價錢，見到價錢都覺好平仲諗住可能都係一般野，點知食完大家都幾滿意這次放題。餐廳俾客人選擇嘅款式好多有前菜、小食、刺身、壽司、一品料理、烤物、炸物、甜品等一應俱全，完全貫徹日式放題料理嘅精髓。不過我同朋友兩個胃裝唔落咁多野食，所以只能重點出擊，哈！首先我地點左前菜，泰式鳳爪，好有泰國風味，賣相唔馬虎，又辣又醒胃; 蟹籽沙律味道不錯，醬汁剛好，海蜇夠爽口同夠彈牙。刺身方面，更值得一讚，賣相可以媲美高級日本料理餐廳，冰底，配菜都吾少有蘿蔔絲，薄荷葉個做底，刺身種類比一般放題餐廳多很多，黎到仲有乾冰煙飄出黎添，真係未食都已經流口水。最重要係，每款刺身嘅量都非常足，魚片佷厚身，口感肉質很好，重點推薦劍魚腩刺身同極品鱸魚王刺身，魚腩肥美，入口有融化感，魚油很足；鱸魚王肉質呈半透明，入口爽甜而不腥。 不過掛住食，食左一半先記得冇影相。之後再叫左壽司，黑松露三文魚腩壽司和魚子醬赤蝦壽司味道都吾錯夠新鮮，這店既壽司好特別味道而且加上三文魚腩和赤蝦，味道一流。 甜品選擇都唔算少，可以自己去雪櫃拎雀巢雪糕。