雖然現在每區都會搵到泰菜既踪影 但係講起泰國野自然會同九龍城聯埋一齊 仿似九龍城為正宗泰菜既代名詞
今日去呢間係朋友介紹 佢食過覺得質數唔錯既
芒果沙冰
大大杯 芒果味香甜 雖然應該落咗少少糖漿 但整體不錯 抵飲
鳳爪沙律
甜酸開胃 鳳爪爽脆 配菜亦恰到好處 只係偶爾會食咗辣椒籽而過辣味
黃金炸皮旦
外層為蝦餅 內裏一整隻皮旦 兩者皆為我喜愛食物 彈牙香口美味 而且大大粒
咖哩炒大蜆
咖哩食泰國菜都係必點之物 炒得香 惹味又不會太辣 蜆肉新鮮而且大粒 係超出預算既大
簿餅
點咖哩必不可少 味道正常 略嫌唔夠鬆軟
香芒蟹肉炒飯
飯炒得乾身 加上蟹肉芒果 十分美味
