潮州仔食堂 (Moved) New Location

誠實推介！白胡椒豬手麵！豬手好入味！放在湯裡面食到尾都唔會淡咗！好味！湯底感覺唔到好味精！我直頭湯都飲哂！因為老闆行埋嚟同我講好補架！用雞骨豬骨煲好耐架！美中不足係豬手仲有丁丁毛未處理好！不過尚可接受！餐牌選擇不多，不過勝在唔係周圍食到！價錢亦非常合理！希望跟住會加多少少選擇^_^！其他仲有即做潮式腸粉，出面好少食到！煎餃！豬什王！都幾出色！凍飲糖水自己加！所以不用叫小甜嗱！希望可以Keep到水準啦！走之前發現，原來有少量自家製火鍋料可以外賣！可以試試！