Video
Read full review
2024-05-05
53 views
朋友食素，我又鍾意食日本菜，咁不如就食日式素食放題啦！最近知道蘭桂坊日本餐廳Kyoto Joe推出咗日式素食放題，已經好有興趣，呢晚就相約好友一齊去試下！素食放題（$530pp）可以任食20款日式素食菜式，種類繁多，包括：前菜、爐端燒、炸物、卷物、熱盤，每人仲可以選擇一款素菜主菜，或加錢挑選海鮮菜式。由於我哋鍾意試新嘢，所以第一round就每樣都試哂！前菜特別推薦綠天使他他，原來呢個係模仿Kyoto Joe嘅招牌菜式——金槍魚他他！呢個他他外層香脆，入口軟綿帶辣，味道幾可亂真，食落完全唔似由蔬菜整成，幾好食！另外仲有3款前菜，分別係：菠菜沙律、 海雲及冷豆腐，都係清新之選。爐端燒都係呢度嘅主打，點咗5款：青椒仔、豆腐、甜蕃薯、銀杏、素雞，全部都即叫即燒，火候控制得恰到好處，encore咗幾次日本甜薯，香甜軟綿，正！炸物特別推薦椰菜花天婦羅，呢個本身都有得散叫，不論賣相同味道都好似韓式炸雞，甜甜辣辣，好惹味。由於是素菜，所以吃完都不會充滿罪惡感。蘋果天婦羅及紫蘇葉素雞天婦羅都好特別。卷物拼盤有墨西哥卷、雜菜天婦羅卷、辣味啦啦卷、山芋卷、秋葵卷、黑金卷。雖然全部都用蔬菜製成，但味道毫不單調
素食放題（$530pp）可以任食20款日式素食菜式，種類繁多，包括：前菜、爐端燒、炸物、卷物、熱盤，每人仲可以選擇一款素菜主菜，或加錢挑選海鮮菜式。由於我哋鍾意試新嘢，所以第一round就每樣都試哂！
前菜特別推薦綠天使他他，原來呢個係模仿Kyoto Joe嘅招牌菜式——金槍魚他他！呢個他他外層香脆，入口軟綿帶辣，味道幾可亂真，食落完全唔似由蔬菜整成，幾好食！
另外仲有3款前菜，分別係：菠菜沙律、 海雲及冷豆腐，都係清新之選。
爐端燒都係呢度嘅主打，點咗5款：青椒仔、豆腐、甜蕃薯、銀杏、素雞，全部都即叫即燒，火候控制得恰到好處，encore咗幾次日本甜薯，香甜軟綿，正！
炸物特別推薦椰菜花天婦羅，呢個本身都有得散叫，不論賣相同味道都好似韓式炸雞，甜甜辣辣，好惹味。由於是素菜，所以吃完都不會充滿罪惡感。
蘋果天婦羅及紫蘇葉素雞天婦羅都好特別。
卷物拼盤有墨西哥卷、雜菜天婦羅卷、辣味啦啦卷、山芋卷、秋葵卷、黑金卷。雖然全部都用蔬菜製成，但味道毫不單調，反而充滿新鮮感，媲美一般壽司！喜歡秋葵卷，用日本腐皮包著秋葵，蓮藕及菇，再燒香表面。墨西哥卷有牛油果、墨西哥辣椒及芝士，口感creamy。
主菜揀咗銀鱈魚西京燒(+$68)銀鱈魚油份豐沛，燒至外層金黃香脆，肉質嫩滑肥美。
熱盤有3款選擇：素餃子
餡料有素蝦及蔬菜。
焗雜菌健康富牛油香。
雜菜炒烏冬店員介紹用手打名古屋烏冬，難怪炒過後依然保持煙靭乾爽，簡單配雜菜都好惹味。
另外都可推薦呢度嘅cocktails，以sake入饌，好易入口！
食完一round已經超級飽。雖然價錢唔算太平，但食物質素好好，全部都好有誠意，而且好少見到日式素食，所以好有新鮮感呢！
Post
