紅太陽茶座

Open Now

Now Closed

一到假日就會瞓到中午先醒，但又好想食到早餐，所以成日黎搵佢，全日供應早餐，泊車又方便，坐係路邊望住部車食得安心！食物質素絕對好有誠意，多士夠熱辣辣，牛油剛剛溶化係多士面上，脆卜卜香噴噴！我食 多士最討厭食到凍既多士仲要擦牛油，一舊甘又溶唔到，嬲架!沙爹牛好香既沙爹味，牛肉口感唔會鬆散，誠意推介！白汁火腿雞絲奄列 ！ 白汁好食，雞絲係雞肉條火腿絲，配料豐富，唔會乾身，內裡仲有蛋汁，滑一滑既有蛋香味!熱飲-鴛鴦 唔可以話好滑，但無苦澀味，香味一段! 凍檸茶可以推介，茶色靚，檸檬唔會好少，好飲!美中不足要改善係熱飲杯，唔明點解隻隻都一撻撻，花晒甘，感覺唔想同佢有任何接觸，希望換個d杯就好啦！