裝修別緻，座位舒服，店員好有禮貌。
🥢至尊大腸面線
原味雞湯底，湯生本身都好鮮甜，加上軟滑嘅麵線。 配搭得好好。 另外，麵線上面有豐富食材， 例如大腸，墨魚丸， 油炸鬼等等。 口感非常豐富。係我好喜歡嘅一道麵食。
🥢滷水蛋牛腩滷肉飯
滷肉份量多， 令整個滷肉飯好開胃。另外牛腩好多件， 抵食， 再加上滷水蛋同蘿蔔， 食得好滿足。
🥢鹽酥雞排
雞排炸得除了外皮很鬆脆，裡面一啲都唔乾， 亦醃得很夠味， 必須推介一下。
🥢山茶暮雪
由山茶花烏龍， 芝士奶蓋， 同珍珠組成，特別欣賞佢嘅芝士奶蓋，份量好多， 令成杯飲落香濃軟滑， 令人回味無窮。
呢間台灣小店嘅每一道菜， 都好有誠意，做得好有心機，好好味。
