餓媽家姐 (Moved) New Location

以為餓媽家姐係常見嘅港台日系街頭小食，原來大廚有中西式、酒店同茶餐廳經驗，唔怪得諗到粉紅色嘅barbie醬 (火龍果味醬)，跟得上潮流，又有創意。🔅芝士黑松露黑毛豬漢堡 $64漢堡包脹卜卜，材料好足。黑松露香味撲鼻，而黑毛豬漢堡扒肉味香濃，入口肉質爽口，加埋半溶芝士、新鮮蕃茄同生菜，好滋味🔅炸燒賣+汽水 $20炸燒賣外層少脆，撒上椒鹽粉，惹味 🔅日式鰻魚炒腸粉 $58腸粉同鰻魚同樣滑溜，面頭撒上芝麻，又加入咗爽口嘅香蔥同洋蔥一齊炒，食落無咁單調，而醬汁就用咗日式醬汁，甜甜地。價錢少貴，不過份量好足，女生食一份都可以當一餐