白石燒烤

Open Now

Now Closed

中秋節與家人來白石BBQ, 經openrice 訂位很方便，whatsapp 白石工作人員知道，每逢假日有免費接駁車由烏溪沙站去燒烤場， 係烏溪沙B出口，向左手邊沿路行，先經過綠色新界的士站，再經過百分百餐廳，再前行近美聯物業對出上落客等接駁小巴 (注意：沒有站牌的，去程每逢15分，45分有車，回程每逢05分，35分有車，但其中回程 7：05 & 7：35沒有車的，因是司機食飯時間，要8：05分才有車)。如下載白石燒烤場手機apps 有迎新優惠減$100, 和生日月份當月有乳豬一隻。燒烤食物是以套餐形式購買加散點購買，食物都幾好味，自己買咗兩個錫紙盤方便好用，又用$20買包冰加租個冰桶，真係抵晒，可以雪住飲品和生果和未開袋的食物，懶去洗手時仲可以用冰水濕下手, 不過租冰桶要先交$200做按金，還冰桶時會退回$200。好多時預先訂位但唔知道當日會不會落雨，咁這個燒烤場有上蓋就落雨也不怕係我最大考慮之一，場內地方和厠所都清潔，有大洗手盆區方便洗食物洗手，對住大海當日落時環境很美， 缺點只是左右隔離的燒烤爐距離太近太貼了，另雖說一般只給予4小時燒烤，但當沒有爆滿時我哋由12點燒到夜晚8點才走