小肥羊 (Closed)

因為有事要慶祝，為左可以提供到我地咁多人數既地方而又岩呢啲咁凍既天氣，所以我地行八人去左食小肥羊去到walkin即刻有位，坐底就嗌左清湯鍋底，本身我地想要鼓油,但個經理就SUGGUEST我地試左個原味先,因為個湯底本身就已經有一種好藥湯既味，所以大家之後都冇要到鼓油，建議大家可以試左個味先，有時大家都係食調味料多，忽略左原本湯既鮮味之後大家就不停叫野食，一般打邊路既野食都有，其實我今次既重點係羊肉，佢地做緊既推廣係每人送三兩羊肉，咁我地一共八人，所以就係廿四兩！但有啲同行朋友嫌羊肉太羶就冇去食，搞到成碟肉係由我同另外一位兩個人食哂，幾好味唔錯，啲羊肉入口即溶，啲色係好令既鮮紅色另外其他野食都幾足份量途中亦有人不停收碗碟，保持枱面清潔整體氣氣不錯之後埋單仲有優惠卷送，吸引左我地下一次既黎到