Video
Read full review
2015-02-03
764 views
一直覺得呢間位於APM一田內嘅車仔咖啡店設計好過癮，縱然部車仔嘅設計好似「大酒店」嘅「貴賓」車，依然無阻我點都要以肚皮同銀包一試，以告知開飯網諸位巴打絲打最新飲食情報嘅自我犧牲精神，好遺憾地，我真係壯烈犧牲咗。首先望下大餐牌搜集情報，無奈太多雞腸，睇到小弟同女友眼都花埋，香港人有邊一個收咗工仲想睇咁多英文字㗎？ 好在有呢個懶人專用嘅是日推介咁上下物體，商量一陣之後，點咗右上角餐湯＋三文治＋咖啡盛惠HKD78.00。雜菜湯：水汪汪咁，菜味冇融入湯度，罐頭貨都不如。煙三文魚牛油果三文治：麵包太硬又唔熱，菜、牛油果、煙三文魚就咁夾埋，冇任何醬料處理，OK如果材料靚同埋新鮮嘅話，咁做係合理嘅，弊在唔係呢！黑齋啡：呢個最抵打PATPAT！賣點就係咖啡，點能夠沖出一杯酸嘅齋啡出嚟㗎？好嘞我試吓落糖睇吓有冇好啲，點知仲大鑊！
首先望下大餐牌搜集情報，無奈太多雞腸，睇到小弟同女友眼都花埋，香港人有邊一個收咗工仲想睇咁多英文字㗎？
好在有呢個懶人專用嘅是日推介咁上下物體，商量一陣之後，點咗右上角餐湯＋三文治＋咖啡盛惠HKD78.00。
$78
53 views
0 likes
0 comments
煙三文魚牛油果三文治：麵包太硬又唔熱，菜、牛油果、煙三文魚就咁夾埋，冇任何醬料處理，OK如果材料靚同埋新鮮嘅話，咁做係合理嘅，弊在唔係呢！
黑齋啡：呢個最抵打PATPAT！賣點就係咖啡，點能夠沖出一杯酸嘅齋啡出嚟㗎？好嘞我試吓落糖睇吓有冇好啲，點知仲大鑊！
Other Info. :
我自己就絕對唔會再幫襯㗎嘞！睇睇邊位巴打絲打有勇氣去試試佢個甜品，再幫個忙話我聽係點樣情況啦！多謝！
(The above review is the personal opinion of a user which does not represent OpenRice's point of view.)
Post
