一碗小麵 (Closed)

行完黃埔果架船，周圍行下有咩食，都諗唔掂食咩好，最後就行行下去到土瓜灣咁制，又未係馬頭圍果邊，算係搭小巴的對面街到，就見到成條街都有好多野食，就是但入左間小麵食晚餐，食完就回家。門口的裝潢看不出來是吃四川風味的麵食，但陣陣飄來一陣辣香味。門口的兩邊布簾純白如有家的感覺，一入去到有幾位姐姐招呼就位我們坐係門旁的小空間，一坐低就有樽菊花水，係天氣熱的時候，一入到去就有飲野都幾好服務。但係坐係門口位會真係有點熱，尢其食完辣辣之後，會流很多汗的。不過店員見到我流汗，都有叫我掉位，不過我喜歡和胖蕉有私人空間，所以沒有掉位喔。牆上的風格有點ROCK，有點不像是吃麵食的地方呢...反而餐牌是走向可愛及務實風，簡單易明，而且餐食的價錢都算是一般地道而合理，以$40-$50價錢來說，份量算多及抵食。至從上上...次吃完米線，就愛上左涼拌青瓜，雖然我唔係好食得辣，但係佢唔算好辣，我仲入到口，有少少麻香，用的是小青瓜，更加爽脆，非常惹味。我點的是紅燒肥腸麵，豬大腸名乎其實真的是很肥大，咬落不韌爽彈口，腸內是乾淨沒異味，而麵是偏"林"有點四片擔擔麵的感覺，湯底味道是偏重一點。