Captain's Japanese Restaurant

近排食放題都食得相當頻密，今次過左黎CWB，呢個放題選擇相當相當多既地方，有競爭，當然應該有質素! 樓下有呀姐派傳單，仲幫我地撳埋lift上去，入到餐廳，望落唔大，所以都幾易坐爆，格局以木色為主調，簡簡單單，不過坐耐有少少凍

呢間放題有樣野個人認為最值得欣賞: 就係佢地既服務~ 佢地非常有效率同埋好有禮貌，特別係果位經理~
抵讚 未食已經加晒分先!

食物種類極多，簡直係花多眼亂 無謂嘢唔講太多，介紹吓部份食物先!

好淋之餘仲有蜜糖喺面，甜甜地，正!

牛舌用咗蜜糖來做調味，感覺好似去咗BBQ咁~ 面頭甜甜地，食落一啲都唔硬，good!

好特別既菜式!

題外話: 食物相真係好難影，閃燈就爆光，唔用又黑...
波菜卷真係非常特別，本身睇個名根本唔會諗到係啲乜嘢來，咁就引起咗我既好奇心啦! 波菜唔老，加埋啲配料好有咬口

菜式就冇乜特別，但係青瓜絲切得好幼，好爽脆

其實應該放呢個係頭，青瓜咬落sok sok聲，再加埋蟹子又卜卜聲，係一碟好有口感既頭盤

好大個盤! 刺身靚仔之餘食落都相當鮮味

其實有時我真係覺得個盤可以細番少少雖然咁樣睇落都幾型，但係張枱好快淪陷~~ 刺身種類算係非常多，三文魚、希0魚、油金魚、八瓜魚等等，最好食既始終係三文魚，夠晒肥美鮮甜，其他就冇乜特別，中規中矩~ 

甜甜辣辣，好正!

螺肉都係常吃小食之一，要介紹佢係因為佢既甜辣比例如啱我口味以往食開一係太甜、一係太辣，但呢個就啱啱好(純個人感受)

唔太大塊，份量剛剛好=]

鵝肝呢啲貴價嘢竟然可以喺度食到! 麵包唔會勁大塊，所以唔洗擔心食左塊包食唔到其他嘢，真正既高級鵝肝係點既味我就唔知，但係個人認為呢塊鵝肝已經好夠香，同埋入口即融既感覺真係好正呀

睇落好乾，但食落又唔係~

差啲唔記得仲有火炙三文魚，睇落雖然唔太靚，但係食落又相當唔錯，唔會太油之餘好香口，不過上面既沙律汁可以再多啲~