TeamYum Caffe (Closed)

之前試過walk in 冇位，今次就早幾天WhatsApp 訂枱，而且時段是12:00-14:30，足夠時間食飯傾偈，這間餐廳頗有空間感，大概係樓頂高兼且枱與枱之間有些距離吧。落地玻璃，環境舒適，中央位放置了花，擺設，紀念品，眼見都有客人被吸引
埋去睇。

食物種類唔多，已經印晒喺枱上面的枱墊紙，
質素唔錯，All day breakfast 女仕份量剛好，有滑蛋喺大蘑菇上，也有脆脆的薯格，煙三文魚，香腸，火腿，焗豆，同埋有個疑似是蕃茄乾麵包，當然唔少得沙律菜，用的是石碟上枱，擺碟唔錯。

另外也叫了豬扒一份，不過要等差不多20分鐘，好厚但肉不老，應該煎完再焗吧，幾好味，伴菜的是羽衣甘藍，好新鮮! 再叫了杯凍Moka㗎啡，味道正常，冇乜特別大驚喜。

這裡沒有set lunch, 飲品要另叫，個人認為價錢偏貴，不過食物質素都唔錯，所有都想試一次。