韓式餐廳成行成市，
但日式居酒屋仍然都有唔少嘅支持者，
我就係其中一個！
上星期去到尖沙咀辦事，
之後就同幾位好友去到位於赫德道嘅“石亭居酒屋”
店面雖小，但和風味濃，陳設雖然簡單，正正就是居酒屋的特色。
坐低後店員先奉上一份前菜，
當日有魷魚軟骨沙律，
軟骨係魷魚的頭部與爪嘅中間位置，
食落非常爽口彈牙。
1
再黎份涼菜醒醒胃先，
“冷日本春菜”，上面有D木魚絲，菜爽脆，
味道有D苦苦地，但好食！
餐廳上菜嘅速度都幾快，
我地order嘅菜式好快就送上，
刺身拼盤: 活北寄貝，肉厚甜美，口感爽脆
吞拿魚大腩，好肥美，脂肪比例平均 ，食落滿口油香 
珍寶牡丹蝦(兩食)，蝦肉晶瑩通透，非常新鮮，爽口彈牙。
珍寶牡丹蝦蝦膏、春，師傅就整左做壽司，
蝦膏似一粒粒綠色珍珠提子，晶瑩通透，非常吸睛，口感非常脆嫩，而且鮮味濃郁！
有佳餚，當然要有美酒黎烘托，大家一致贊成點左枝好好飲架“獺祭”
天扶良：有花竹蝦和目光鱼，炸得酥脆，蝦鮮甜及香味濃郁，
目光鱼外形有點似多春魚，但口感比多春魚香滑
和食就點咗清酒煮蜆，蜆大隻肥美，無沙，配以清酒烹調，鮮味無比 
餐廳整體食物質量有水準，服務亦殷勤，係三五知己消閒暢飲嘅好地方，值得介紹俾大家。
