Be Leaf (Closed)

今日去咗觀塘呢一間好多人推介嘅be leaf!!❤️一去到呢間餐廳就一定見得到，因為呢個餐廳嘅裝修真係非常特別，好有特色！成間舖頭都係波希米亞風格，而且出面有一個好大嘅露台感覺！仲可以係一啲沙灘風格嘅感覺食飯，真係非常有特色！今次就叫咗一個香烤慢煮雞胸配溫泉蛋牛油果沙律，呢一份沙律真係好吸引，首先上面有一個慢煮雞胸肉，呢個雞胸肉好滑！同埋呢個雞胸肉煮得好林，加埋呢個溫泉蛋牛油果沙律，唔好睇小呢個牛油果沙律，份量真係非常豐富！雖然係食沙律，不過都會食到好飽！另外仲有一個蟹肉鮮蝦椰香叻沙意大利飯，呢個意大利粉非常香濃，而且上面嘅蟹肉同埋鮮蝦嘅味道非常配合！再加埋呢個椰香叻沙嘅醬汁，令到成個意大利飯都非常香！而且呢個意大利飯嘅軟硬適中，非常有口感！