8號茶居 (宏業南街) (Closed)

8號蝦餃皇 $19蝦餃皮薄，咬開啖啖肉。足料！個感覺唔會食到裏面好空虛。老乾媽蒸鳳爪 $26真係食到老乾媽辣椒醬味，而且都幾夾。但鳳爪好似蒸得唔夠耐，個皮好似冇咁淋。鴛鴦鮮蝦網米腸 $35好有驚喜，腸粉包住一層脆米皮同埋裹著鮮蝦，個款好似炸兩。但更加香脆，好食。鮑魚雞粒竹筒飯 $49d雞粒蒸得幾滑，唔會太乾。得一粒鮑魚同手指公一樣大粒。瀑布流沙奶黃西多士 $30外表係金黃色嘅西多士，一切開真係爆漿奶皇。仲要係外脆內軟，慢慢切開點奶皇漿食。