日日香鵝肉飯店 (Two Harbour Square) (Closed)

作為一個潮州人「架己冷」鍾意食滷水鵝常識吧😂平時多數都係幫襯啲舊式啲嘅滷水鋪，見觀塘Office附近開咗一間新式啲嘅。收工就同同事一齊試下～ 店員推介我哋食二人餐，$218 已經有兩款小食一份滷水鵝一碟菜，仲有燉湯同埋白飯。燉湯上枱嘅時候熱辣辣，係烏雞湯，非常之足料，轉涼嘅天氣飲係十分啱嘅。滷汁時蔬我哋揀咗芥蘭，但因為已經有滷水嘅小食同埋滷水鵝，我哋走咗汁。小食可以揀鵝腎、豬大腸、紅腸、豬耳、豬手、腩肉。鵝腎同豬耳都滷得夠入味，鵝腎爽口，豬耳爽脆。滷水鵝係用120日大嘅獅頭鵝，鵝肉鮮嫩得嚟又滷得入味，咬入口除咗有鵝油香仲有滷水嘅香料味。係非常之好送飯嘅菜式！仲有想讚一讚店員其實係非常之熱情，又會分析套餐係抵食同多選擇😌餐廳亦都好乾淨企理，坐得都幾舒服。