滿屋日本料理 (Closed)

又食放題? 冇錯, 我又食放題喇~~今次去銅鑼灣嘅滿屋, 喺正朋友公司樓下, 地點黎講, fit到漏~~場地黎講, 值得講講係因為喺同類形, 類近價位嘅放題餐廳黎講, 滿屋算相對spacious, 相對冇其他嘅咁迫, 呢點對於一坐就兩粒鐘嘅放題黎講, 都唔可以話唔重要架.另外值得一提嘅一點係, 如果你鍾意飲清酒, 滿屋亦可以滿足你, 呢個亦係佢地另一樣比同類形, 類近價位嘅放題餐廳優勝嘅地方, 呢度嘅清酒可以任意refill, 幾正~~至於嘢食, 大家最關注當然係刺身. 係唔錯的, 好肥美, 而且夠厚切, 食落夠晒口感. 至於壽司黎講, 燒嗰幾款我都鍾意, 燒得啱啱好, 另外都好值得一試嘅係芝士燒左上去嗰啲, 算係相對比較少見而又work嘅配搭, 無論搭邊款, 都出到芝士嘅味道, 亦唔會搶去配搭嘅食物嘅味. 至於個人口味黎講, 當然都係要食黑松露, 而事實上亦係唔錯的.其他食物方面, 燒蠔幾好, 唯一係油左少少, 但味道幾唔錯. 蝦天婦羅nice, 夠熱, 表面夠脆, 入面隻蝦都好食.overall 幾好, 整體質素中上, 另有個別食物唔錯, 係可以re-visit嘅選擇~~