首先上枱嘅卤水鵝拼盤好驚喜，鵝肉腍滑入味，卤水香好夠，配埋鵝肝食真係齒頰留香。跟住嘅紅燒花膠海皇羹好足料，花膠夠厚身，入口滑溜，海鮮味好濃，老人家都話正。翡翠欖菜明蝦球最鐘意，蝦球大隻彈牙，配埋欖菜同翠綠蔬菜，口感好豐富。
清蒸東星斑好新鮮，肉質雪白嫩滑，簡單調味就突出魚嘅鮮味，完全冇腥味。潮汕煙壎稻草鴨好有特色，鴨肉吸晒稻草同醬汁嘅香味，外皮微脆，肉質唔柴，好有潮汕風味。勝瓜肉碎煮墨魚角夠惹味，墨魚角彈牙，勝瓜清甜，好送飯。
瑤柱蛋白炒飯粒粒分明，蛋香同瑤柱香好夠，唔會太油膩。潮汕薑薯糕好清甜，口感煙韌，食完重口味嘢嚟一舊好解膩。楊枝迎金露料好足，芒果甜，西米滑，夏天食好清爽。仲有龍井茗茶解膩，成餐飯食得好滿足！
#香港食評 #力寶軒 #金鐘美食 #家庭聚餐好去處 #粵菜推薦
1
