✨晚餐
♡避風塘脆黃魚🐟 $85
黃魚炸得外脆內嫩 避風塘炒法惹味 蒜香既味道好突出 送飯一流 而且佢地處理左既黃魚係冇骨 勁方便食 岩唒怕魚骨既我
♡涼拌小雲耳手拍青瓜🥒（跟餐）
青瓜好爽脆 小雲耳既口感彈牙 涼拌汁酸酸甜甜好開胃 作為前菜好適合
♡堅信號生煎包（2個） +$15
用優惠價加配小食 生煎包外皮煎得金黃酥脆 咬落去湯汁爆出 肉餡鮮嫩多汁 真係好正 不過要小心d食 因為真係好多湯汁 一唔小心就會淥到個嘴
✨小食
♡灌湯小籠包（2個） $22
小籠包皮薄餡多 湯汁豐富 肉餡鮮味十足 沾少少醋食可以更加提鮮 不過同生煎包比 我個人更加鍾意生煎包多d
✨主食
♡蟲草花花膠雞（半隻） 🐓$138
冬天推出左「日嚐暖意之選」岩哂而家咁凍既天氣 雞肉好嫩滑 花膠煮得入味 蟲草花既香味滲透晒落湯汁度 湯底濃郁得黎又唔會太膩 飲完覺得好滋補 半隻雞既份量都幾足 兩個人食岩岩好
✨甜品
♡紅糖糍粑 $32
糍粑外脆內軟 煙煙靭靭 沾上黃豆粉同埋紅糖食到停唔到口
總括黎講 堅信號上海生煎皇既菜式質素唔錯 特別係生煎包同蟲草花花膠雞 真係值得一試 價錢亦都合理 適合同朋友或者家人一齊去食
1
