日悅極尚日式放題 (Closed)

呢間既放題唔知係咪開左年耐，d裝潢都幾新淨，店舖內都幾大，可以容納好多人，佢地放題同某人氣放題其實都幾似，食物種類繁多，有刺身有熟食有前菜有甜點有飲料有鍋物，真係乜都有得你食。飲料區選擇都係多到爆，有冬飲有熱飲，有啤酒，有茶有果汁。呢度就係自助沖飲料既區域呢度有d小食，甜點，前菜俾你自助出去拎，所以除左紙上面俾你點既食物之外，出面亦可以自助選擇。呢d係冷盤小吃另一邊有湯飲冷盤海鮮當然唔少得啦至於order返黎既壽司賣相同味道都唔錯刺身方面好有驚喜，因為感覺好新鮮，好鮮甜，但唔會份量少，三文魚果d都算厚切，甜蝦都幾大隻似牡丹蝦，刺身very good👍🏻👍🏻👍🏻清酒煮蜆，份量小小地，唔會驚食唔晒，因為仲有好多啲食物俾你選擇，所以冇用少少哋少少哋其實已經好足夠，不過酒味唔夠濃。