石之烏冬 (Closed)

作為深水埗居民我有一個目標，就係食云全深水埗嘅美食，深水埗啲嘢又平又好食，呢個就係我搬過嚟深水埗嘅其中一個原因，今日上到西九龍中心8樓見到間石鍋烏冬舖頭，見平平地就坐低食個下午茶。石鍋烏冬都係三十幾至四十幾蚊碗咋，咁平邊度搵。。呢個係叉燒烏冬，揀左特濃豬骨湯底，叉燒比較瘦同埋硬身，我就比較鍾意半肥瘦叉燒多啲喇，因為叉燒太瘦口感比較鞋，同埋煮得未夠林，不過湯底搭救。而呢一個就係吉列蝦烏冬，吉列蝦金黃香脆，新鮮就一定唔係新鮮㗎啦，不過都好好味，即叫即炸，比其他日本料理收成$80碗嘅石鍋烏冬咁好食，我都係揀咗特濃豬骨湯底，清甜奶白色，唔會太咸而且豬骨味的確幾濃，配料有粟米，雞蛋同海苔，而烏冬就用返正統稻庭烏冬，口感煙韌又滑溜！好味！罐裝飲品就加返兩蚊，紙包飲品就免費，兩碗烏冬埋單先$86，重點係好食！