麻辣派對 (瑞生酒店) (Closed)

今晚約咗朋友喺尖沙咀食飯，天氣依然好熱，我想食啲酸辣開胃啲嘅嘢，朋友就帶咗我嚟呢間餐廳。叫咗$188嘅「酸菜味型江團BB辣」，江團的正名是長吻鮠魚。呢個「酸辣魚」係放喺一個花形巨碗中，上菜嘅時候非常有氣勢，賣相都幾靚🥰。酸辣湯底味道濃郁，雖然係BB辣，但係都依然非常惹味，湯裏邊除咗有酸菜，仲有芽菜、蒟蒻、青辣椒、同大量紅辣椒；江團喺咁濃郁惹味嘅湯底裏面煮熟，當然係非常好味。仲有$78嘅「蒜蓉炒菜心」，咁簡單嘅菜式，都炒得好香好美味。同埋一個$48嘅「紅燒排骨小麵BB辣」，除咗有紅燒排骨，仲有好多肉碎同埋芫荽，非常香口，麵條幾彈牙有咬頭。味道非常濃郁嘅一餐，朋友介紹得好👍