一入到店已經聞到好香好正宗既川味，環境幾舒適幾乾淨，仲有個小舞台比駐唱歌手表演，聽講日日都會有唔同歌手表演，好似都真係從未試過邊食火鍋邊聽live!
我地兩個人叫左個普通套餐，因為見到有三文魚刺身好吸引！呢個套餐仲包左湯底、肉類、海鮮、餃類同菜類，種類黎講都幾豐富。
湯底我地揀左紅油+蕃茄，呢個簡直經典配搭，不得不叫！紅油夠香辣，蕃茄夠鮮甜，湯底越滾越滾味！
雪花牛
牛肉味濃，好鍾意！同其他火鍋店個啲cheapcheap雪花肥牛完全唔一樣！
生蠔
原來套餐係蟶子，但甘啱個日無貨，店員幫我哋轉左生蠔。4爐生蠔大大粒，好新鮮！
水餃王
食落應該係雲耳鮮蝦雲吞，大粒多餡。
三文魚刺身
為左三文魚刺身叫呢個餐真係無錯架，三文魚係厚砌已經夠滿足，仲要係好肥美新鮮！
生菜
放左一半菜落紅油，超掛湯入味，辣但好過引。
熟醉蟹
依家係大閘蟹季節所以叫黎試下，用花雕去浸蟹，店員拎上台嗰下已經聞到好香嘅花雕酒味。
埋單仲送左100蚊優惠卷下次用！
