Between (大館) (Closed)

今日同朋友去大館睇野，入咗其中一個展覽館，一路行上去發現咗呢間餐廳♥️ 門口好似展覽館一樣，有好多唔同展品，行入少少就係餐廳範圍，整體設計都好簡潔，以白色同木類素材為主，餐廳主要係自助形式。我哋叫咗幾款推介食品，吉列豬扒烏冬個人就唔推介，因為豬扒唔係現成炸的，有少少雪藏味，但係烏冬質地好食，煙靭感十足。另外一個炸雞三文治 chicken sando，非常多汁，麵包亦都比想像中鬆軟，其實都幾足料重點一題係飲品，叫咗一個酒精類薑味cocktail, 一個係推介的Sesame Mountain。芝麻果邊有淡淡椰子奶香，個人覺得有少少甜，但係整體感覺都好香濃同好滑。 另外薑味cocktail,唔會太濃烈，反而有少少解油膩嘅感覺不得不提係最後的蜜瓜雪糕，真係世界級好食。蜜瓜甜度相當高，質地有少少似雪芭多個雪糕，一啲都唔漏。 Strawberry Sando 士多啤梨相當之甜同新鮮，麵包好軟熟 中間啲cream cheese都好香，呢一個真係大件夾抵食，因為冇諗過中間嘅料係咁足。 食物打卡到一流♥️應該會再帶朋友去