1
上次經過已聞到咖啡香☕，不過接近打烊，唯有下次。由於係內巷，唔係行過都留意唔到有間咖啡店係度。
2
店內有一櫃咖啡豆，有唔同產區，唔同烘焙度，睇完樽上描述，打開聞下，揀啱心頭好就可以落單，一壼$70-90，價錢視乎揀咩豆。沖煮法都有不同選擇，有手沖，虹吸，愛樂壓，聰明杯，摩卡壺。我偏向手沖和虹吸，同老闆傾完，由於想要花香清新口感，就揀手沖。不同沖法用同一隻豆都有不同，所以要溝通好先落丫。
1
☕今次揀好少飲嘅產區--肯尼亞，聞落好似烏梅，酸味重，莓味好出，好清新，好香，鐘意花香果香嘅啱晒。老闆話呢個產區仲要厭氧好少，所以真係揀啱豆👍
☕Dirty比較細杯，啡和奶分層不夠明顯，飲左一啖已經開始混合，飲唔到啡奶由未混到混合嘅變化。可能每個人飲Dirty方式不同，我比較喜歡飲到Dirty3個層次嘅變化。
一邊細味咖啡，一邊聽住好溫暖嘅膽機🎵🎶，係度坐一兩個鐘真係好享受。
1
2
