嚟到大館一間幾有格調既法式小館, 幾啱同朋友放咗工嚟happy hour或者晚餐, dinner set 都係三百幾蚊一個, 已經有四款前菜、主菜同甜品, .
💰Dinner set $368/位
🍽️ 前菜
南瓜紅菜頭希臘芝士沙律｜烤雞肉串| 一口烤椰菜花｜蕃茄醬意大利飯球
前菜一共有4款都算多, 最欣賞蕃茄醬意大利飯球, 將risotto整成球狀再炸, 本身個飯已經好香野菌味, 炸過後口感更添香脆.
🍽️ 主菜
香煎牛腹扒 ｜法式生牛肉他他
牛腹扒肉味濃郁, 肉汁豐富, 可以蘸上餐廳準備既黑椒牛肉汁, 令味道更惹味. 法式生牛肉他他肉質軟腍順滑, 混合咗洋蔥蛋黄等, 令口感更豐富更柔嫩.
🍽️ 甜品
法式可麗餅 配雪糕 ｜ 法式朱古力慕絲
法式可麗餅口感夠輕薄, 邊緣位帶小小脆口, 配搭面頭既朱古力醬, 味道香甜. 法式朱古力慕絲則夠輕盈有空氣感, 而且好濃黑朱古力味, 唔會太甜.
🍽️ 水牛城雞翼 $118
我哋仲另外加多咗個水牛城雞翼, 雞翼炸得好香脆, 外面沾上滿滿酸辣醬汁, 味道雖然有小小辣, 但係好惹味.
1
