一盞燈 (Closed)

呢度環境寬敞，比人感覺好舒適同有格調。入去轉右的話仲有個好日式嘅空間，隔住玻璃仲有喵喵睇！好Cute!我地叫左一個主菜明太子海鮮意大利粉，兩個前菜冬蔭公炸飯球同黃金脆炸棒棒雞翼配是拉差辣椒醬，一個甜品白色紅乾果蛋糕，一杯飲品結緣（士多啤梨奶昔）。整體感覺不錯，食物有fusion 特色得黎又整體好食，環境又舒服。以下逐個菜式講講啦！個人認為最出色係前菜！冬蔭公炸飯球我覺得係一個好得意嘅菜式！外層脆皮包住入面飯團，感覺好似好搞笑好伏咁，但食落我覺得真係幾好食！（之後幾日都有久唔久諗反起有啲掛住添哈哈）入面個飯其實好濃好惹味，微微辣又好香口！另外一個前菜就係雞翼。注意！佢係單骨架！食落好方便！雞翼鋪滿金黃香口嘅鹹蛋黃，熱辣辣炸出黎，加埋附送嘅非常非常香口嘅醬，好好食！要再講多次，個醬好好食！然後到明太子海鮮意大利粉，我認為係正常發揮，但唔可以話好出色。明太子醬雖然未到話非常濃郁，但要有嘅味道係有嘅，整體都好食嘅。入面有2隻青口，少少幾彈口嘅蝦，魷魚。甜品白色紅乾果蛋糕，樣真係一流，好鬼靚！不過食落就唔係我中意嘅味道，整體感覺都幾乾下。唔好期待係好 creamy 鬆軟嘅蛋糕。最後飲品結緣，我覺