凡直友里

Open Now

Now Closed

一向都知元朗好多餐廳大排檔選擇，估唔到西餐餐廳都咁有水準。餐廳環境裝修有格調，食物質表有水準，價錢公道合理。墨西哥雞肉烤餅：烤餅外皮酥脆，餡料充足，咬落去一口爆汁，配埋三款唔同嘅醬料食都好夾，個人最鍾意牛油果醬，配埋一齊特別清新。輕煎北海道帶子海鮮鹹蛋黃意大利粉：大大粒又新鮮既帶子，夠哂彈牙，意大利飯軟硬適中，醬汁Creamy得來多咗一份鹹香味，配菜南瓜都好軟糯。烤澳洲M 4+牛腹肉（八安士）：揀咗七成熟，烤得啱啱好，牛腹肉特別有牛味，肉汁豐富，除咗個牛之外，幾款配菜都好有心思，好好味。自家製四季春茶，有桂花香同玫瑰香，飲落好清，唔會澀，好鐘意佢個杯，夠哂古色古香。Omakase cocktail: 廚師發辦嘅飲品，可以根據自己喜好決定加唔加酒精，意外地好岩飲，係好清甜既菠蘿味。