唐記包點 (Closed)

係屋企附近買唐記買慣買熟，今次決定係公司附近買黎做午餐。呢間係蘭桂坊既唐記同我去過既非常唔同，好有驚喜。首先，呢度有枱可以食埋野，不過咁近公司我都係決定買番公司食。第二，呢度係有小食賣！包括魚肉燒賣、粉果、腸粉、咖喱魚蛋。我就買左粉果（$12）同埋腸粉（$12）。另外要多個雞扎（$18）。雖然係中環蘭桂坊呢個咁好生意既地方，呢度都有$18三個包咁抵既優惠。我要左叉燒包、香菇雞包同糯米卷。要左凍包，因為打算直接攞番公司個雪櫃積穀防饑。呢度仲有我從來未見過既咖哩牛筋腩飯（$29）。所以我又決定試下喇。食落真係極度香濃，牛筋腩夠腍夠嫩。薯仔都入曬咖哩味。搭多支黑芝麻豆漿（$9）送飯就完美了。呢度得凍飲，我就攞左番公司擺入微波爐加熱，一樣好味道。呢度中午時間勁長龍，不過都出得好快，所以都係等左五分鐘左右。