自此愛上其獨特香氣，一直等待有更多杏仁甜品既出現。
而最近我係IG見到呢間主打杏仁既糖水店，二話不說就黎試試！
白x湖水綠色既簡約裝修風格，天花板掛起束束吊燈，幾浪漫。
坐位充裕，因為下午時分去所以岩岩好包場，但臨走時候就開始愈來愈多人。
除左杏仁，餐牌仲有好多唔同款式，雙皮奶、燕窩都係人氣之選，仲有桃膠、燉奶等等，好養生～
杏仁迷必吃首選 — 杏仁茶吸吸系列，杏仁每日新鮮現磨，仲有幾款口味揀，即刻要嗌番杯！
椰皇桃膠燉雙皮奶，非常足料，好夠奶香味得黎又食到椰子味，燉奶軟滑，配上桃膠增加口感，香甜又美味！
芒果奶昔雙皮奶，味道酸酸甜甜，帶有三種口感，雙皮奶同樣細滑。
呂宋芒小丸子杏仁茶吸吸，見係夏天就揀左杯芒果x杏仁茶，杏仁茶清香配上酸甜芒果，整個感覺意外地夾，
裡面仲有煙韌既小丸子同芒果粒，口感十足！有時飲奶茶，不如飲一杯杏仁茶，健康又養顏～
