Video
Read full review
2009-10-24
45 views
入來呢間野食應該要先三思，因為佢有最低消費，仲要係$148，食唔食到自己衡量。呢晚同友人吃完泰好味，又未見飽，友人話呢間海鮮店啤酒任飲白飯任食，心諗不如入去整碟蝦或者蟹食下啦，就行兩步轉彎推門入來﹗時值10:30PM，人不多，坐低阿叔已經隊左一支大橙汁同埋一支竹庶水來，話係請我地飲既，當然佢都有話來呢度食飯啤酒任飲啦，但世上那有免費午餐，飲完望一望牆先見到呢度最低消費。錢都不是咩問題，問題係我地其實食左0的野，根本未必食到百幾蚊，睇一睇餐牌，只係得二人餐同埋三人餐，三人餐就當然可以COVER左個MIN CHARGE啦﹗出去魚池睇下海鮮，阿姐就話咩好咩好，又話咩三人餐唔會呃你，樣樣都好食，龍蝦就一定要加30蚊食個伊麵，個芝士汁好好味咁款，是旦啦，都入左來，問左佢總之埋單要幾多錢一人百五蚊就算﹗食得海鮮預左貴，不過估唔到而家食飯而佢又唔係咩出名名店而有最低消費個感覺就有0的唔好受咁解﹗不過既然想食就開開心心，先來既係貴妃蚌，蚌上有蟹籽仔，加埋0的蒜蓉同吃味道清甜，新鮮貨味道不錯，不過一人一隻就唔多夠喉。再來是鮑魚仔，蒸得縮左少少係OVER左，不過鮑魚煙韌彈牙香口，蘸0的豉油吃很好味，三個人
呢晚同友人吃完泰好味，又未見飽，友人話呢間海鮮店啤酒任飲白飯任食，心諗不如入去整碟蝦或者蟹食下啦，就行兩步轉彎推門入來﹗
時值10:30PM，人不多，坐低阿叔已經隊左一支大橙汁同埋一支竹庶水來，話係請我地飲既，當然佢都有話來呢度食飯啤酒任飲啦，但世上那有免費午餐，飲完望一望牆先見到呢度最低消費。
錢都不是咩問題，問題係我地其實食左0的野，根本未必食到百幾蚊，睇一睇餐牌，只係得二人餐同埋三人餐，三人餐就當然可以COVER左個MIN CHARGE啦﹗
出去魚池睇下海鮮，阿姐就話咩好咩好，又話咩三人餐唔會呃你，樣樣都好食，龍蝦就一定要加30蚊食個伊麵，個芝士汁好好味咁款，是旦啦，都入左來，問左佢總之埋單要幾多錢一人百五蚊就算﹗
食得海鮮預左貴，不過估唔到而家食飯而佢又唔係咩出名名店而有最低消費個感覺就有0的唔好受咁解﹗
不過既然想食就開開心心，先來既係貴妃蚌，蚌上有蟹籽仔，加埋0的蒜蓉同吃味道清甜，新鮮貨味道不錯，不過一人一隻就唔多夠喉。
再來是鮑魚仔，蒸得縮左少少係OVER左，不過鮑魚煙韌彈牙香口，蘸0的豉油吃很好味，三個人有四隻亦合理。
龍蝦雖然不是大隻貨，但細細隻也十分多肉，芝士汁較得恰到好處，香得來又不會盡蓋龍蝦既獨有鮮味，啖啖肉大家也吃得起勁，0的伊麵吸哂0的芝士汁又真係幾鬼好食，可惜我地真係飽，清左半碟已經頂唔順﹗
蟹肉身不夠結實，都估佢不會俾咩死蟹我地食，不過可能不岩時候或者蟹不靚，麻麻地﹗
清蒸海上鮮是一條好似叫做盲鰽既物體，我就當然不食但食家食到要叫個白飯同吃，應該味道十分一流，佢話白飯同魚是天仙配，見佢成個飯食哂，就知是好野﹗
最後是豉油王中蝦，蝦不是好大隻不過肉質結實爽甜是游水貨，肉多而肥美蝦頭夠大亦有羔，味道偏鹹了點不過好食送飯，滿意﹗
啤酒飲左三四支，甜品是自家製是椰汁芋頭糕，香濃軟滑，好吃﹗
本來入來時感覺麻麻地的，不過吃過後其實味道也算不錯，以呢個價錢可以吃到咁多種海鮮也算十分抵食，有點反而怪自己為何不一早就入來食飯而要食泰國野﹗
位位百五蚊，抵食，有機會會再來的﹗
Post
