吞POT 雞煲火鍋.住家菜 (山林道) (Closed)

今日同個朋友出去行街，行尖沙咀，行到好攰，梗係要食返餐好啦。尖沙咀有好多唔同嘅餐廳，今日就去咗山林道嘅呢一間雞煲餐廳，一於食雞煲。餐廳店面唔算好大，但座位都分隔得好開，保持足夠嘅社交距離，大家可以安心用餐。我哋點左呢一個麻辣雞煲，BB辣少少辣啱啱好，唔會太辣，剛麻辣做得唔錯，好香，而隻雞都好滑好嫩，亦都好入味，個雞煲整體好好。新鮮帶子帶子好大隻，切開咗容易啲熟，帶子好鮮味，亦都好彈牙，呢度啲海鮮都唔錯。即炸響鈴響鈴即叫即炸，所以非常之脆，而且仲熱辣辣，擺入湯底一陣，索左啲湯底味，非常好食。唐山菜唐山菜非常之新鮮，啲葉仲好嫩，唐山菜打邊爐係最好味嘅。呢一間舖頭位置非常方便，食物質素亦都非常之好，員工態度都好好，坐得又舒服，下次一定會再嚟幫襯。