本身唔想食連鎖食店
但圓方其他特色Ｄ既食肆都要晚市先開
係４－５點食野依Ｄ時間真係好蝦人。
行左成個圈好攰，見王家沙有得食就入去
好舒服光猛，好少人所以侍應招呼好周到
上菜加茶做咩都好快好有效率
佢有餐紙比你用筆剔好似叫點心咁
都幾多食物簡。大路上海野想食既都有
我地叫左５樣。
鎮江肴肉，正常水準
＂實正＂唔係一夾就散果隻，加埋香醋食就好好味
燻魚，黎到個樣有Ｄ嚇人呢
但佢其實係好好食既一味上海菜黎架
佢個皮保持到脆口，個汁又夠惹味。只係乾左Ｄ
上海蟹黃燒餅
睇落平平無奇，食落又唔錯
夠熱，入面係滿滿既韮菜
酥油皮整得夠層次又唔油
咸肉菠菜砂鍋飯
今次既一個小失手啦
有齊個名既食材但一Ｄ都唔吸引，同想像好大出入
唔知點解餐牌仲會係有＂推介＂既ＩＣＯＮ係佢到＝＝
只可以話個飯係好健康既一個選擇，好彩有其他濃味既食物
如果唔係真係冇味＝＝
棗泥糕
我自己對依種煙煙韌韌既糕點情有獨鍾
黎到賣相有Ｄ驚喜，通常係４件
但佢分成一粒粒咁
食落幾煙韌，朋友話似好似年糕咁
我覺得又冇咁甜 ，一口一粒咁幾細心。
