My Ahjussi (Closed)

經過大角咀原來有間新開嘅韓式料理，去到嗰時仲係試業階段。一入到去見到有個位幾靚打卡位，有啲粉紅霓虹燈，幾韓風。午市有套餐供應，跟前菜：有泡菜及醃瓜及白蘿蔔湯。揀咗韓式便當配炸雞。炸雞有三款口味可選擇：原味、卡邦尼、甜辣、咖喱、蒜香蜂蜜味。韓式便當有青瓜絲、紅蘿蔔絲、粟米粒、蘑菇及太陽蛋，簡單健康。炸雞揀咗蒜香蜂蜜味。呢度嘅炸雞好似炸魚薯條嘅炸魚醬咁，同出邊嘅韓式雞有啲唔同，雞肉都幾滑。另外叫咗鰻魚漢堡。鍾意漢堡個包有烘到，配薯條。薯條夠香脆。餐飲包基本飲品，叫咗熱柚子茶及熱檸茶。