Tapa Room (宏利廣場) (Closed)

好耐冇見嘅朋友生日同佢慶祝為咗畀個驚喜佢特登嚟到觀塘接佢收工 仲特登喺佢公司附近搵咗間幾有情調嘅西班牙餐廳 ！蟹肉辣忌廉芝士釀烤甜紅椒從來估唔到甜椒竟然可以配上蟹肉同忌廉芝士， 蟹肉同忌廉芝士混和非常creamy， 口感軟綿加上微辣嘅味道同埋甜椒嘅爽脆， 非常新鮮！西班牙黑毛豬肉丸肉丸嘅口感軟棉滑溜，味道十分之濃郁，配搭底下嘅甜椒醬非常清甜，加埋佢面頭嘅酸忌廉更係點綴咗成度菜式！鵝肝比堅尼三文治係佢咁得意嘅名驅使下我哋忍唔住買咗呢度菜估唔到佢唔係得個名! 三文治烘烤得非常香脆， 薄薄嘅兩片包住鵝肝醬， 味道咸香，質感細緻， 而且望落仲真係有啲似比堅尼添！😂