龍鳳店

Open Now

Now Closed

之前已經有留意過呢間"龍鳳店", 因為佢係openrice 都有好多正評，加上又睇過編報道話店主好用心經營呢間小店，d 野即叫即整，熱辣辣。今日黎元朗搵食，特登黎試試呢間小店。龍鳳店應該係做外賣居多，因為舖面細到得一張枱兩個位，好在當時無其他客，所以我同朋友可以坐低堂食。我地嗌左招牌既"饅魚蛋治"($40) 同埋"少甜伯爵奶茶"($25). 蛋治即叫即整，賣相吸引，送到上枱仲出緊煙。d 蛋炒得岩岩好，加埋d 鰻魚同包，意想不到咁夾。奶茶方面甜度適中，茶味濃，其他味道都好似好正，下次可以試下。小店店面雖小，老闆友善，招呼熱情；食物質素不錯，值得再黎！