上野鐵板燒專門店 (Closed)

住係附近都未試過,襯住農曆生日就去消費慶祝一番.由於未到七點,還早的關係,所以可以選擇對住鐵板燒的枱面的位置坐.叫咗個二人餐,包括有帶子,完隻魷魚筒,牛扒,三文魚炒烏冬.先有北寄貝刺身,不過味道一般,鮮味不足,只是不過不失.鐵板前菜的冬菇很鮮味,配以應該是牛油果,配搭不錯.而北海道帶子則有點失望,如果不點醬汁的話,跟本是淡而無味,口感像元貝.其中一項覺得頗美味的魷魚筒出場,先將魷魚切成細件,再煎得很香口,再附以干蝦米仔在面,非常香口美味.到牛扒了,切粒厚薄適中,雖然上枱時已有七成熟,但入口程度剛剛好.至於牛扒亦很有牛味,也遇上了一位煎得很好的師傅.三文魚炒烏冬又是另一個另人有驚喜的,三文魚粒炒完後,竟然仍能保持鮮味及魚肉很滑,而烏冬炒出來亦很美味.有一點值得一提的就是,坐在鐵板燒枱前,可以互動,師傅亦很好,問客人要不要蔥.仲有可以近距離見到煎牛扒時玩火的情境.