Video
Read full review
2020-11-27
40 views
早兩日收工同朋友去旺角家樂坊買野，係街頭離遠見到有三間餐廳既招牌大大個非常搶眼，朋友就即刻用手機📱係食評app度望下到底有d咩野食👀 一搜先知原來係間主打海鮮既晚市火鍋店，一個價錢 (5點半至7點半，9點至12點 $318 / 7點半至9點半 $338) 有齊燉湯、刺身拼盤、廚師推介小食、無限添加既花膠雞煲同兩小時海鮮放題火鍋，見到咁多樣食物已經感覺抵食，加上好評都唔少我地就決定上去一試🧐******************************✨是日精選原盅滋補燉湯🥣是日燉湯係烏雞瘦肉湯🐔，令人感覺頗為滋補，味道亦非常鮮甜，飲得出係無落味精😋另外燉湯係連埋個火爐仔上桌🔥，可以一直保持住熱力♨️，飲完成個人都暖笠笠🤗-✨煙吞拿魚沙律🐟🥗當日既廚師推介小食係煙吞拿魚沙律🐟🥗，薄切既吞拿魚片都幾新鮮，不過個人略嫌上面既胡椒粉灑得太多，蓋過吞拿魚既味道🤔-✨刺身拼盤🐟🦐刺身拼盤有象拔蚌、劍魚腩、三文魚同牡丹蝦四款，象拔蚌食落幾爽口，牡丹蝦🦐肉質夠厚食完有少少黏口既感覺；第一次係非日式餐廳食刺身，估唔到質素都唔差😳-✨椒鹽瀨尿蝦🦐落單時店員主動邀請我地只要like👍🏻同share鮮鍋店既 社交
早兩日收工同朋友去旺角家樂坊買野，係街頭離遠見到有三間餐廳既招牌大大個非常搶眼，朋友就即刻用手機📱係食評app度望下到底有d咩野食👀 一搜先知原來係間主打海鮮既晚市火鍋店，一個價錢 (5點半至7點半，9點至12點 $318 / 7點半至9點半 $338) 有齊燉湯、刺身拼盤、廚師推介小食、無限添加既花膠雞煲同兩小時海鮮放題火鍋，見到咁多樣食物已經感覺抵食，加上好評都唔少我地就決定上去一試🧐
******************************
✨是日精選原盅滋補燉湯🥣
是日燉湯係烏雞瘦肉湯🐔，令人感覺頗為滋補，味道亦非常鮮甜，飲得出係無落味精😋
另外燉湯係連埋個火爐仔上桌🔥，可以一直保持住熱力♨️，飲完成個人都暖笠笠🤗
-
✨煙吞拿魚沙律🐟🥗
當日既廚師推介小食係煙吞拿魚沙律🐟🥗，薄切既吞拿魚片都幾新鮮，不過個人略嫌上面既胡椒粉灑得太多，蓋過吞拿魚既味道🤔
-
✨刺身拼盤🐟🦐
刺身拼盤有象拔蚌、劍魚腩、三文魚同牡丹蝦四款，象拔蚌食落幾爽口，牡丹蝦🦐肉質夠厚食完有少少黏口既感覺；第一次係非日式餐廳食刺身，估唔到質素都唔差😳
-
✨椒鹽瀨尿蝦🦐
落單時店員主動邀請我地只要like👍🏻同share鮮鍋店既 社交平台就可以每人獲贈椒鹽瀨尿蝦一隻🦐
由於平時冇食開瀨尿蝦，望左兩隻蝦一陣真係覺得無從入手🤦🏻♀️ 好彩最後慢慢一節節咁剝，總算成功🤣
無諗過原來瀨尿蝦既味道係會咁鮮味😳 可惜上面既粗鹽同樣落得有d重手，剝完殼既蝦肉難免會沾到鹽粒，令到食起上黎會覺得有些少偏鹹😣
-
✨花膠雞煲🐔
落單時店員會問想要小/中/大辣🌶，或者可以揀唔辣，由於呢排唔係咁想食辣野就選擇左要唔辣🙅🏻♀️
雞煲入面大約有3-4片花膠，每片都幾大塊下，唔會只係得d花膠碎；至於雞件🐔既味道個人認為岩岩好，比起出面既雞煲專門店會冇咁濃味同埋油膩，幾岩我既口味🤗
雞煲同花膠可以無限添加，不過我地為左要留肚食火鍋就冇再encore，鍾意食雞煲而胃口又夠大既朋友可以挑戰一下😈
-
✨海鮮放題火鍋🍲 (鮑魚升級價 +$8)
火鍋湯底有清湯/麻辣/鴛鴦，我地揀左有粟米同青紅蘿蔔既清湯底
最先上桌既海鮮配料除左有開邊龍蝦同扇貝之外，仲有加左8蚊升級既南非鮑魚；龍蝦🦞極之多蝦膏兼爽甜，估計係係店內海鮮缸內即撈即劏；鮑魚上桌時仲郁郁下，就算放左成5分鐘都依然識郁，可見呢度既海鮮夠晒新鮮同生猛👍🏻
可惜我地蠢左既係以為俾8蚊只會有一隻鮑魚，結帳時先如夢初醒💡原來8蚊係升級價可以任點，而非單隻加購價🤯
.
雖然係海鮮放題，menu上依然有好多肉類同火鍋配料可以選擇，當日我哋都點左唔少item黎試，以下係比較想分享既item👇🏻
🌟手切安格斯牛小排🐮: 肉質軟嫩，食落幾有牛味，食完一客我地再追加左多一份😋
🌟白鱔片🐟: 肉質夠晒爽脆彈牙，味道仲好鮮甜，不過一客只得兩片，所以我地要追加多一份😋
🌟蟶子: 輕輕一灼就食得，味道同樣非常鮮甜而且爽口，又係好食到要encore😋
🌟手打黑松露墨魚滑: 黑松露既墨魚滑真係比較少見，墨魚滑幾夠彈牙，黑松露味都亦甚為突出
🌟鮮蝦水餃皇🦐🥟: size成隻灌湯餃咁大隻不愧叫做水餃皇，入面有黑木耳、鮮蝦同豬肉，口感食落唔錯
🌟牛舌:🐮👅 肉質夠厚身，食落好有油脂味，可惜食到尾先試佢無乜quota，否則一定會encore🙈-
✨飲品放題🧃 (+$20)
食火鍋又點唔可以無飲品，呢度只需加20蚊就有無限添飲，飲品可以選擇大路既幾款汽水 / 烏龍茶 / 果汁先生橙汁/竹蔗馬蹄 / 涼粉爽
******************************
👧🏻人均消費：$365 (另+10%服務費)
😋味道指數：3.5/5
💰抵食指數：3.5/5
🪑環境指數：3.5/5
💁🏻♀️服務指數：4/5
👍🏻再訪指數：3.5/5
-
📍阿爺八鮮鍋
地址：旺角登打士街43H號登打士廣場3樓
⏰營業時間：17:30–01:00 (Mon–Sun)
Post
