Video
Read full review
2023-02-08
947 views
呢間漢堡扒燒肉店長期人氣高企，今次我哋6點就嚟食，唔使排隊等位🤭我哋要咗個二人餐，有M size菠蘿煙肉和牛漢堡扒、M size 芝士蛋蒜和牛漢堡扒、芝士泡菜豚丼同埋兩個飲品。電子落單後店員就會送上麵豉湯同埋椰菜沙律。食呢款石燒和牛漢堡扒絕對係邊玩邊食，店員教將漢堡扒波波切一小份出嚟，然後鋪喺高達400度嘅熱石上面，用小鏟子輕輕按壓，每3秒返轉一次，燒成自己鍾意嘅生熟程度。熱石果然好夠熱，一放落去冇幾耐就可以燒成焦香嘅漢堡扒，裏面保持肉汁，牛味香濃😋塊石仲要唔黐底，真係好玩又好食。店員仲會留意住你夠食嘅熱度，唔夠熱會幫客人換石👍🏻另外燒煙肉都好正，熱力迫晒油分出嚟，煙肉焦香，唔會覺得油膩😋燒菠蘿都好好食，充分發揮菠蘿嘅香甜多汁😍兩款和牛漢堡扒其實都有蛋，呢個蛋絕對唔係配角，因為溝埋一啲芝士好香好正😋芝士蛋選嗰款，仲會有啲甜蒜頭片鋪喺蛋面上，甜甜地又香又惹味😍芝士泡菜豚肉丼望落去超紅，以為會好辣，但係食落又OK，泡菜嘅酸辣酸辣加上香濃奶香芝士，勁邪惡🙈豚肉片亦都唔會嚡，成個配搭好好，好好餸飯😆
我哋要咗個二人餐，有M size菠蘿煙肉和牛漢堡扒、M size 芝士蛋蒜和牛漢堡扒、芝士泡菜豚丼同埋兩個飲品。電子落單後店員就會送上麵豉湯同埋椰菜沙律。
食呢款石燒和牛漢堡扒絕對係邊玩邊食，店員教將漢堡扒波波切一小份出嚟，然後鋪喺高達400度嘅熱石上面，用小鏟子輕輕按壓，每3秒返轉一次，燒成自己鍾意嘅生熟程度。熱石果然好夠熱，一放落去冇幾耐就可以燒成焦香嘅漢堡扒，裏面保持肉汁，牛味香濃😋塊石仲要唔黐底，真係好玩又好食。店員仲會留意住你夠食嘅熱度，唔夠熱會幫客人換石👍🏻
另外燒煙肉都好正，熱力迫晒油分出嚟，煙肉焦香，唔會覺得油膩😋燒菠蘿都好好食，充分發揮菠蘿嘅香甜多汁😍
兩款和牛漢堡扒其實都有蛋，呢個蛋絕對唔係配角，因為溝埋一啲芝士好香好正😋芝士蛋選嗰款，仲會有啲甜蒜頭片鋪喺蛋面上，甜甜地又香又惹味😍
芝士泡菜豚肉丼望落去超紅，以為會好辣，但係食落又OK，泡菜嘅酸辣酸辣加上香濃奶香芝士，勁邪惡🙈豚肉片亦都唔會嚡，成個配搭好好，好好餸飯😆
Post
