大將 (Closed)

今日嚟到將軍澳食日式嘅涮涮鍋放題🥰天氣開始凍，好適合打邊爐🍲小編就做一日牛魔王🐮叫北海道黑毛和牛套餐😋北海道黑毛和牛套餐包括任食餐牌上所有嘅牛肉，豚肉同埋雞肉😘最好食梗係北海道黑毛和牛喇！果然一分錢一分貨，就算係放題，牛肉嘅質素依然好高👍🏻有好靚嘅油花，而且非常粉嫩。食落入口即化，油脂感爆發！牛味仲好濃😙一個字正！放題除咗有一般嘅蔬菜同丸類，仲有熟食！熟食區有炸雞，玉子燒，生薑豚肉燒，關東煮🍢每款嘅質素都正常，開爐嘅時候等緊啲湯滾，就可以醫下肚先🤪最期待嘅就係甜品區🍨妹仔肚嘅小編最鍾意自己整窩夫🧇😍估唔到食打邊爐都有得玩！只要加入粉漿，等1分鐘就食得。之後就可以係後加一啲朱古力醬，雪糕，彩針等等😘軟雪糕有朱古力味，雲呢拿味同埋兩溝🍦全部都唔伏！大人小朋友都啱食！大將 (將軍澳)將軍澳唐賢街9號PopCorn商場1樓F10號舖@taisyou.hk #大將 #火鍋 #日式火鍋 #大將火鍋 #火鍋放題 #日式料理 #日式涮涮鍋 #日式放題 #任飲任食 #火鍋湯底 #和牛 #放題