中東沙律，羅馬生菜夠新鮮，配搭番茄、番荽同薄荷醬，清新開胃，烤麵包同漆樹粉更添層次感，簡單但好食。
菲達菠菜酥，外皮酥脆，內餡濃郁，芝士香味好突出。
倒扣羊肉飯，服務員現場倒扣飯出嚟，香氣即刻飄滿整桌！羊肉煮得好腍，完全無羶味，配埋香料飯，滋味無窮。
中東烤雞串亦非常出色，雞肉嫩滑多汁，香料腌製得好入味，烤得啱啱好，超juicy！
飲品方面，Golden Wish係帶有蜜糖同橙香嘅威士忌cocktail，甜中帶酸，層次豐富；Sultan’s Ginfer Mojito則用咗新鮮莓果同薑啤調配，酸甜開心又清爽，好適合配中東菜。
另外，餐廳每週六、日都有無限暢飲優惠，只需加$150配一道主菜就可以享受兩小時無限Prosecco，絕對抵玩！而週三仲有免開瓶費優惠，對於鐘意飲酒嘅朋友真係正到無得頂。
